Miso laksur við brokkoli fonio

TÍÐ AT TILREIÐA	2 TÍMAR
TIL	2 FÓLK
KOSTUR	KETO, LÁGT KOLVETNI, LAKTOSUFRÍTT

TILFAR

1 hvítleyksfet, rivin
1/2 tsk ingifer, rivið
2 spsk brúnt rísa-miso
3 spsk eyka-jomfrú oliven olja
1/2 dl mirin (søtt rísvín)
2×120g Bakka laksur
500g brokkolityssi, skorin
1/2 tsk havsalt
2,5 dl vatn
60g rís/fonio/kuskus/quinoa/hirsa (valfrítt)
3 spsk rivnar mandlur, ristaðar
1 várleykur
Gochugaru (Koreanskt) kili flakar (valfrítt)

VEGLEIÐING

STIG 1

Hita ovnin til 230°C. Ger kryddlaka: blanda hvítleyk, ingifer, miso krem, 2 spsk olivin olju og mirin í ein lítlan bolla og píska væl.

Legg laksapettini í eitt lítið fat og oys lakan omaná, so at allur laksurin er undir. Dekka fatið og set í kuldaskáp í minsta lagi 1 tíma.

STIG 2

Koyr brokkoli-stykkini í ein stóran bolla. Oys 1 spsk eyka-jomfrú olivin olju omaná, kryddra við havsalti og blanda væl. Legg tað á eina bakiplátu við stanniol á botninum og steik í hitaða ovninum, til endarnir byrja at brúnkað, í uml. 15 minuttir.

STIG 3

Kóka vatnið í eini lítlari grýtu. Koyr fonio í og rør. Set á lágan hita, legg lok á og lat smákóka í uml. 1 minutt. Tak av hitanum og lat tað sita í 4 minuttir við lokinum á.

STIG 4

Táið brokkoliið er liðugt, flyt tað á eitt skeribretti og lat tað kølnað eitt sindur. Hakka bukettirnar eitt sindur í smærri pettir. Halt eygað við fonio og rist eitt sindur um neyðugt. Stoyt brokkoli í ein stóran bolla og rør mandlurnar í.

STIG 5

Rør í fonio til tað er lekkurt og mjúkt. Rør tað lunkaða fonio í bollan við brokkoli og blanda væl. Krydda við havsalti og hald tað heitt.

STIG 6

Flyt laksin á eina bakiplátu við stannioli í botninum. Set ovnin at grilla og steik laksin á ovastu hill, til hann er brúnkaður og byrjar at gerast broyskin, uml. 3-5 minuttir, alt eftir stødd á laksapettunum.

STIG 7

Pynta við skornum várleyki stroy gochugaru flakar, og oys eitt sindur av eyka-jomfrú olivin olju omaná.