Okkara Søga
Bakkafrost
Bakkafrost er framleiðari av dygdarlaksi úr Føroyum og Skotlandi. Vit hava eina rúgvu av heilsugóðum og dygdargóðum laksaúrdráttum frá okkara egnu virkjum.
Markleys náttúra og kaldur og støðugur sjóvarhiti í norðuratlantiska rákinum kring Føroyar og Skotland eru tær fullkomnu umstøðurnar hjá laksi.
Bakkafrost er ein av teimum alifyritøkum í heiminum, sum er mest loddrætt samskipað. Bakkafrost hevur eftirlit við øllum liðum í framleiðsluni – frá fóðri til lidna virðisøkta vøru. Hetta tryggjar eitt sporføri, sum eingin annar megnar, umframt dygdargóðsku.
100% ASC góðkent
Føroyar
Ongin antibiotiku-nýtsla
1,5g co2 útlát
fyri hvørji 100g
21g protein
fyri hvørji 100g
2,5g omega-3
fyri hvørji 100g
4,9g E vitamin
fyri hvørji 100g
LAKSAALING
Laksaaling byrjaði sum ein roynd í 1960’unum og í dag framleiðir alivinnan 70% av laksinum á marknaðinum. Laksavinnan er støðugt vaksin og kann nú metta størri mongdir av fólki við brúk av minni tilfeingi, enn aðrar proteinkeldur kunnu. Tað eru bert fá lond í heiminum, sum hava møguleika fyri at ala laks, og tað er stórur munur á, hvussu tað verður alt. Bakkafrost er ein lutfalsliga lítil alari, men vit stremba eftir at vera nýskapandi og flyta mørk innan góðsku og burðardygd.
AVGERÐANDI STAÐSETING
Føroyar
Bakkafrost er staðsett í Føroyum, eitt oyggjasamfelag í Norðuratlantshavinum millum Noreg, Skotland og Ísland. Umstøðurnar at ala eru góðar, grundað á at golfstreymurin, sum fer framvið Føroyum, ger at hitin í sjónum er javnur (millum 6° og 12° hitastig). Her veksur laksurin seint men støðugt, og tí hevur Bakkafrost laksurin tann eyðkenda tætta bygnaðin. Eisini eru tað teir sterku streymarnir kring Føroyar, ið javnan reinsa firðirnar.
Skotland
Bakkafrost Skotland er førandi framleiðari av hágóðskulaksi í Skotlandi, og vit hava meir enn 60 alibrúk á vestursíðuni á Skotlandi og Hebridunum. Fantastisku firðirnir skapa karmarnar fyri bestu laksaalingini í Skotlandi.
burðardygd
arbeiðsháttur okkara
Bakkafrost hevur eina vælkenda virðisketu, ið er gjøgnumskygd á øllum økjum av framleiðsluni, bæði innan fiskamjøl, -lýsi og -olju, laksafóður, rognframleiðslu, smolt- og sjógvaling, tøku og góðsking. Bakkafrost hevur fleiri tænastuskip, ið flyta tøkufisk, avlúsa, vaska nótir og ringar. Harumframt hava vit egna framleiðslu av EPS-kassum. Vit hava eisini eitt biogassverk, ið umgerð lívfrøðiligt burturkast til orku og taðingarevni.